INVITASJON i samband med besøk av landbruks- og matminister Jon Georg Dale
Stad: Eikefjord tømmerkai i Flora kommune
Tid: 24 mai kl. 11.30 – 12.45
Tema: Utbygginga av Eikefjord Tømmerkai, ei orientering.
Tømmerkaien som del av infrastrukturen i kystskogbruket, kva er gjort og kva trengs vidare.
Tømmerkaien si betydning for verdiskaping og større konkurransekraft i lokal og nasjonal skogindustri.
Program (møteleiar Helge Kårstad, Skognæringa Kyst)
«Ei orientering om Eikefjord Tømmerkai» v/ byggeleiar, skogeigar og medlem i Flora Skogeigarlag Gunvald Seljeseth.
«Tømmerkaiar i Sogn og Fjordane» v/ leiar i Sogn og Fjordane Skognæringsforum Lars Trygve Sæle.
«Tømmerkaien si betydning for vår bedrift» v/ adm.dir Odd Morten Aalberg, MM Karton FollaCell AS.
«Infrastrukturen i kystskogbruket; status og mulegheiter vidare» v/ dagleg leiar Kjersti Kinderås i Skognæringa Kyst.
«Regjeringa sine ambisjonar for å betre infrastrukturen i kystskogfylka som grunnlag for auka verdiskaping i skog- og trenæringa» v/ landbruks- og matminister Jon Georg Dale
Vi inviterar folk frå skognæringa, bygdefolk og lokalpolitikarar i Flora kommune. I samråd med Landbruks- og matdepartementet vil vi invitere pressa.
Under programmet vil vi servere kaffi, mat og vaflar på kaia. Dersom regn vil vi få sett opp eit telt. Av hensyn til serveringa vil vi gjere vite om du kjem, frist mandag 23.mai kl. 12.00 til tlf 476 34 479.
Mvh
Kjersti Kinderås dagleg leiar Skognæringa Kyst
Helge Kårstad Prosjektleiar infrastruktur
Kort info om deltakarane frå skognæringa i programmet
Gunvald Seljeseth har vore leiar og styremedlem i Flora Skogeigarlag og nestleiar i tidlegare Sogn og Fjordane Skogeigarlag. Han var byggeleiar for denne tømmerkaien som vart etablert i 1995, og er også byggeleiar ved utbygginga som no føregår. I heile denne perioden har han også fungert som «vaktmester» på tømmerkaia. Sidan starten i 1995 har det vore ein jamn auke av tømmer over kaia, - frå ca. 3000 kubikkmeter til ca. 20 000 i 2014. Det er venta at dette vil auke til årleg kring 75 000 kubikkmeter fram mot 2040. Dette er tømmer frå kommunane Flora, Naustdal, Førde og delar av Jølster, Bremanger og Gloppen. Kaifronten skal no forlengast med 50 meter til totalt 101 meter. Totalkostnad er ca. 12 millionar kroner. Investeringa vil raskt medverke til ein betre logistikk og reduksjon i transportkostnader for skogsvirket frå regionen.
Lars Trygve Sæle er leiar i Sogn og Fjordane Skognæringsforum. Forumet vart starta i 2008 og har jamleg møter kring i fylket der representantar frå skognæringa deltek. Lars Trygve Sæle er eigar av pallefabrikken Sæle Sag i Balestrand med eit tømmerforbruk på ca. 60 000 kubikkmeter. Han er også største aksjonær i Land Sag, Odnes i Oppland. Forbruket her er ca. 20 000 kubikkmeter tømmer. Totalt sysselset desse bedriftene tilsaman ca. 25 personar.
Odd Morten Aalberg er adm. dir. for MM Karton FollaCell AS i Follafoss i Nord-Trøndelag. MMK FollaCell AS produserar høgverdig termomekanisk masse og kjemitermomekanisk masse, som er kjenneteikna av høg kvalitet og produktstabilitet. Fabrikken produserte i 2013 130.000 tonn og planlegg å auke produksjonen til 200.000 tonn. Fabrikken vart etablert i Follafoss i 1919. Den globale treforedlingsaktøren Mayr-Melnhof Karton valde å etablere seg og satse i Follafoss i 2013 etter at Sødra Cell AS hadde lagt ned drifta året før. Bedrifta omsette for 430 mill. kroner i 2015.
Kjersti Kinderås er daglig leiar for Skognæringa Kyst SA. Organisasjonen er ei overbygning for dei fylkesvise skognettverka i kystskogbruket. Skognettverka utgjer eit skognæringspolitisk samarbeidsforum i dei 10 deltakande fylka (Vest-Agder, Rogaland, Hordaland, Sogn og Fjordane, Møre og Romsdal, Sør-Trøndelag, NordTrøndelag, Nordland, Troms og Finnmark). Samarbeidet omfattar dei trebaserte verdikjedane og inkluderar kommersielle næringsaktørar og organisasjonar innafor skogbruket, skogindustrien og vidareforedling. Den fylkeskommunale Melding om kystskogbruket 2015 er vedteke i alle dei deltakande fylkeskommunane. Kystskogbruket fortset difor samarbeidet mellom skognæring, regional politikk/utvikling og forvaltning.
Helge Kårstad har vore tilsett i Kystskogbruket sidan 2008 som prosjektleiar. Arbeidsoppgåvene har vore å betre infrastrukturen i skogbruket i fylka frå Vest-Agder til Finnmark. Spesielt må nemnast utarbeiding av hovudplanar for skogsvegar og utbygging av tømmerkaier. Dette har vore muleg gjennom eit nært samarbeid med skognæringa, med fylkesmennene og fylkeskommunane. Han har også vore medspelar i ulike forsking- og utviklingsoppgåver knytta til infrastrukturen i desse fylka.