Basket gruppa fekk spele sine siste heimekamper denne sesongen på heimebane for første gang sidan dei starta opp. Gutelaget fekk æra av å spele den første offisielle kampen i hallen. Heimearena har vore i Svelgen i 8-9 år.
Dag Nybø kunne stolt annonsere opninga av kampen og presentere spelarane som skulle i aksjon. Kampen enda 69-59 til Ytterbygd.
Her er alle spelarane som fekk spele den, for oss eikefjordingar, historiske kampen. Endeleg er vi i eige hus.
Tre av Eikefjord spelarane er tatt ut til landslagssamling i Arendal. Kristoffer Sætre og Jonas Hovden skal representere Eikefjord på gutesamlinga. Hanne Nybø, som spelar med gutane i Eikefjorddrakta, skal også på samlinga i Arendal. Dette er for jenter 15 år, til helga skal ho på landlagssamling for jenter 16 år.
Også seniorane hadde kamp mot Ytterbygd. Også her tapte Eikefjord med ti poeng, 52 - 62. Vi er for lite samspelt, samtidig som vi slit med skader og nokre som ikkje kunne stille denne helga, seier Dag til Eikefjord.net. Seniorlaget er primært for å gi dei eldste gutane eit tilbud når dei kjem over guteklassen. No rykker laget ned ein divisjon og det er heilt greitt, seier Dag vidare.
Halldekket har vore ein snakkis i Eikefjord sidan det vart bestemt at den skulle byggast. Banedekket som er lagt fekk mykje skryt av spelarane. Meget god respons og det var ikkje problem med spretten i ballen.
Også publikum møtte fram til denne historiske begivenheten i Eikefjord.
PS. Skulen har også fått tatt i bruk hallen. Første gym.time inne var på mandag den 27/3.
