Det er innført bål- og brenneforbod i Flora og Bremanger kommune, opplyser Jan Gunnar Holvik på Alarmsentralen til Firdaposten.
- Det er varabrannsjef Robert Endestad som har bestemt dette, og det inneber at all opptenning av eld er forbode, med eit lite unnatak. Ein kan tenne eit lite kaffibål på trygg stad - til dømes i snøgrensa, eller på steingrunn.
- Forbodet er gjeldande umiddelbart og inntil vidare. Det er veldig tørt i marka no, spesielt langs kysten, avsluttar Holvik.
