Ein tilfeldig forbipasserande fann to kattungar då han torsdag kveld gjekk tur ved Storebru i Flora kommune.
– Han høyrde lyden av dei inne frå ein container og fekk redda dei ut. Det var nok ikkje snakk om mykje lenger tid inne i ein gjenknytt pose før dei hadde omkomme, fortel leiar i Dyrebeskyttelsen Sogn og Fjordane, Jannicke Nessestrand.
– Heldigvis gjekk det greitt, og i dag tidleg fekk vi tak i ei kattemor hos ein av fôrvertane våre. Ho har no teke til seg desse to slik at dei får mat, så no kjem dei seg ganske raskt, fortel Nessestrand.