Eikefjord barnehage har starta svømmeopplæringa allereie. I sommar lærer dei eldste ungane å bli trygge i vatn på badestranda.
Når leiinga i Eikefjord barnehage såg at tilskotet til svømmetrening vart utlyst hos Fylkesmannen, slo dei til. Barnehagen ligg like ved vasskanten i Eikefjord og ungane som går i barnehagen ferdast mykje i nærleiken til vatn.
– Vi tenkte det var ein strålande sjanse til å gjere ungane trygge i vatn, få inn litt leik og moro, samstundes som vi kan hjelpe dei til å bli trygge på korleis vatnet kjennast om uhellet er ute, seier Christer Solheim i Eikefjord barnehage.