Steinhovdenkoret, Koriander og Brandsøykoret inviterte til julekonsert i Eikefjord kyrkje i ettermiddag. Med 3 kor, fleire solistar, messingblåsarar og eminent piano og orgelspel fekk dei 135 frammøtte fin variasjon i repertoaret og etter klappsalvene å dømme sette publikum verkeleg pris på det som vart servert.
Med så bra oppmøte som det var på denne førjulskonserten vil nok arrangørane sette opp ny konsert før jul neste år også. Publikum får håpe at det blir tid til fleire samøvingar, for så mektig sang har vi nok ikkje opplevd i Eikefjordkyrkja før.
