På søndag 26.januar kl.1600 er det ei stor hending i Eikefjord kyrkje. For da er det innviing og framsyning av 2 ikonar til Eikefjord kyrkje. Dei er laga av Robin Johansson, ein ikonmalar i Sverige.
Soknerådet bestemte i fjor å kjøpe 2 nye ikonar til kyrkja. Etter ein godkjenningsprosess og tilverking er dei nå endeleg på plass. Og store er dei, 40 X 60 cm, og det kan også seies at den eine ikonen er gåva frå Flora kommune til kyrkjejubileet.
Ikonar (betyr bilete) har sin opphav i gammal kyrkjekunst frå den første kristne tid, særleg frå den austlege kyrkja. Og nå får også Eikefjord kyrkje del i den flotte ikon tradisjonen.
