Statens Vegvesen har vore på kontorll rundt om i Sogn og Fjordane, blandt anna i Eikefjord. Her gav ei dieselprøve frå ein personbil positivt utslag på avgiftsfri diesel. Prøva blir vidaresendt til skatteetaten for analyse og vidare handsaming.
– Både sjåfør og eigar er ansvarlege for at bota vert betalt, og den er på 20.000 kroner om dette er første gong vedkomande blir tatt for dette. Om det har skjedd tidlegare, og om det er ein bil som blir brukt i næringssamanheng blir satsane høgare. Det blir fort dyrt, seier inspektør Jens Olav Bertelsen ved Statens vegvesen i Bergen.
