Eikefjorden våkna opp til salutt kl 7 17. mai. Metrologane lova fint veir og det har vi hatt, strålande sol frå ein skyfri himmel. Litt svalande bris ut på ettermiddagen som berre gjorde godt for dei bunadkledde og feststemte i og rundt idrettshallen i bygda.

Vi vart ønskt velkommen til hallen med flott spel av skulemusikken.

Deretter var det tale for barna av 8. klasse

Så entra 5. klasse scena med flott sang og deretter flott dans til same sangen i meir moderne utgave.

Godt oppmøte i hallen før barnetoget. Ledar i 17.mai komiteen Ole Jacob Endestad overvåker og er godt nøgd med dagen.

Så var det tid for barnetoget. Ei fryd å sjå. Når flaggborga var i sentrum gjekk dei siste ut av skuleplassen.

For første gang i tog som elevar på Eikefjord skule.

Også 2. og 3. klasse fekk gå i barnetoget for første gang.

Superveteran Reidar Høyset heldt tale for dei som har mista livet for fedrelandet.

Gratulerar med dagen - 17. mai 2022.
Dette er dagen vi skal feire vår fridom og sjølvstende som nasjonene NORGE.
Overfaller på Ukraine har vist oss at fred og fridom ikkje er så sikkert som vi trudde.
I vår feiring - går i dag også tankane til det ukrainske folk, der mange lever under umenneskelege forhold.

Vi skal idag minnast dei som mista livet i tjeneste for landet vårt. I oppryddinga etter den tyske oppukasjonen av Norge var det i Florø store lager av sprengstoff og amumisjon. Dette skulle fjernast ved å senke det i Stavfjorden. 1.september 1945 var ein tysk lektar for heitte Tekla på veg til dumpingplassen.

Ved Oddane utforTansøy gjekk det gale - Lasta eksploderte og blåten vart knust til pinneved og forsvann i havet.

Ombord var det 19 mann - som alle omkom.

På båten var det ein eng. offiser som hadde ansvar for lasta, ein ung mann frå Bergen som fungerte som tolk - og soldat Andreas Hesjedal som vakt. Andreas var også med i dei norske styrkane i Valdres i 1940.

Vidare var det 6 tyske sjøfolk, som mannskap ombord og 10 norske nasistar - fleire av dei frå vårt område.
Dei som gjekk i tjeneste for nasi-tyskland fekk heller ingen minnestein!

I dag minnest vi alle norske soldatar og sjøfolk som mista leivet i og utanfor norges grenser i internasjonale operasjonar frå 1940 - og fram til i dag. Den Norske Tysklandsbrigade mista 46 soldatar under øving og andre ulykker. I FN og Nato tjeneste har 58 soldagar omkome i denne perioden.

I dag vil vi minnast alle desse ved å legge ein blomsterkrans ved minnestøtta til Andreas Hesjedal.

Etter gudstjenesta i Allhuset kunne folk benke seg i det flotte veiret og nyte den flotte bygda vår.

Barneleikane gjekk sin gang på leikeplassen til skulen.

Bente Nilsen var talar for dagen. Ho drog spesielt fram kor viktig frivillig arbeid er for vårt samfunn.

Ein flott tur til Tonheimslia i nydeleg 1. mai-vêr. Staden viser seg nok vakker til alle årstider, men å vere her på tunet ein tidleg maidag gjer verkeleg godt for sjela.

Blåveisen tittar fram mellom steintrappesteg og kvitveisen står så vakkert

Mektig utsikt med ramme av nysprungen bjørk

Ove Hatleset hadde invitert til Turglede-tur til den nedlagte garden i Tonheimslia. Parkering ved avkøyrsla frå riksveg 5 kunne romme 5-6 bilar, og det skulle halde denne dagen. Det var ikkje så langt opp før vi nådde turmålet, noko bratt, men god veg.

Turmålet: Då vi nådde målet ynskte eigaren av tunet, Kjartan Tonheim, oss velkomne. Han bydde på herleg ramsløk som ein kan finne mykje av i området. Ramsløk både luktar og smakar som kvitløk og passar godt til matlaging. Sjølv om det er mykje av den kvitbloma planten her i liene, er den faktisk ein nær trua plante som i 2021 havna på raudlista i Norge.

Kjartan kunne fortelje at på denne garden hadde det budd folk i fleire hundre år. Garden var fram til 1700-talet eit leiglendingsbruk under Svanøy hovudgard slik alle gardar i området var på den tida. I 1662 var det 759 bruk som høyrde til krongodset. (www.snl.no) Tonheim var ein av dei fyrste gardane som vart fråseldt og dermed sjølvstendig bruk på 1700-talet. Det var ikkje berre dette bruket som har vore i lia her, det står også hustufter vidare vestover frå garden.
Det vart fortalt fleire andre historier også her på Tonheim denne 1. mai-dagen. Det var bl.a. imponerande å høyre om enka frå Kalsvik som rundt 1920-åra tok med seg buskapen på nokre kyr, samt ungar, og flytte til seters om somrane i Nordalsfjorden. Då måtte ho ta med både kyr og ungar i båten, ro over til Tonheimsstranda, lesse av der for å gå opp til garden her og vidare over til Nordalsfjorden.

Reidar Høyset kunne fortelje om då Tonheimslia fekk straum i 1954, for han var nemleg med å sette opp mastene her langst stranda. Det var eit vanskeleg og hardt arbeid i bratta, men med smarte løysingar så fekk ein det til. Straum vart det!

Aktivitetar: I lag med barnebarn og naboar hadde Ove laga til fleire konkurransar, både for barn og vaksne. Ove hadde tenkt å lage til mogelegheit for grilling, men det var farevarsel for brann så det vart droppa. Det var veldig kjekt og kreativt med aktivitetane og det var endå eit bidrag til den allereie gode stemninga. Malin stod bl.a. for premieutdeling og kast på boks, Tore Hatleseth stod for quiz og Ove hadde fiska og tørka til tippe-vekt-konkurranse, og premien for nærast gjetting på 720 gram var sjølvsagt tørrfisken

Det var kjekt å vere på tur, godt for kroppen og helsa. Håpar det kjem enno fleire for å bli på neste tur i Knapstadområdet til hausten, då vil vi besøkje ei anna jettegryte.

Vi takkar Ove og dei andre for turen!

Idrettslaget er nest største mottakar av grasrotmidlar i kommunen. Det er 222 registrerte som til saman hjelper idrettslaget med kr 50 042 inn på konto.

Lengre nede på lista finn vi skulemusikken med kr 3865, grendalaget kr 2108 og ungdomslaget kr 1639

Vi på Eikefjord skule synes det er viktig å gå på tur, det er bra for kroppen og helsa. Turglede-turane er lett å vere med på, slik som turen til jettegryta og Uravatnet laurdag 23. april. Dette er ein tur som går i noko bratt terreng, men også ein del bortover. Det er mange fine utsiktsplassar og mange stader det er fint å ta bilete. Då vi gjekk denne Turglede-turen var det litt vått på stien, men mest tørt.

Vi fekk fin utsikt til husa på Knapstad

Gåturen: I slutten på april var ikkje all snøen vekke, så nokre stader var det vått. Men heldigvis hadde det då vore lite regn eller snø i det siste så det var ganske tørt å gå likevel. Vi gjekk frå parkeringa, ved høgspentmastene, øvst på Knapstad. Stien til å begynne med var brei, som ein traktorveg.

  

Vidare var stien for det meste lett å følgje, men nokre plassar var det også tett skog. Det var merka og skilta forskjellige plassar, det var skilta til «jettergryta» frå stien.

Les meir her: https://ut.no/turforslag/117211468/knappstad-til-jettegryta-urrabben-storfurua-yraskora-og-knappstad-rundtur

Jettegryta:
Ordet jette er det same som troll eller kjempe. Gryta til trollet er eit kult naturfenomen. Det er eit glatt sylindrisk hol i fast fjell. (https://snl.no/jettegryte)

På denne jettegryta er den eine veggen rast ut

Jettegryter er skapt under istida då stein og grus vart satt i beveglese av elv under isen, rundt og rundt gjek steinane og slipte fjellet ned slik at det vart eit stort hol.

(bildekjelde: www.geocatching.com)

Hygge ved Uravatnet

Monica og Kristoffer som var turleiarar viste veg via jettegryta til Uravatnet der ein kunne sette seg ned for å ete og prate.

Det var kjekt å vere på tur, godt for kroppen og helsa. Håpar det kjem enno fleire for å bli på neste tur i Knapstadområdet til hausten, då vil vi besøkje ei anna jettegryte.

Vi takkar Monica og Kristoffer for turen!