jurunn-kunstÅrets kunstutstilling vert opna fredag 14. august kl. 18.00. Begge dei to øvste etasjane på Nærleiken er tatt i bruk for vise fram bileta til årets kunstnar. Eikefjorddagane er særs nøgd med å kunne presentere ein lokal Sunnfjordkunstnar av særs høg kvalitet.
Jorunn Mulen frå Førde har ein mastergrad i illustrasjon. Ho er utdanna i England ved University College Falmouth. Jorunn har stilt ut sine arbeider ved ulike galleri både i Noreg og England. Mulen arbeider med pastellfarga, poetiske, figurative og impresjonistiske måleri, serigrafi, teikningar og ”artist books” kor ho illustrerer sine eigne forteljingar.
Motivkrinsen og uttrykket går som ein raud tråd igjennom kunstnarskapen, uansett teknikk. Det er ofte diffuse, drøymande, melankolske og introverte kvinnelege framtoningar som går att frå verk til verk, som ein slags romanfigur, i ei samansmelting mellom røynd og draum. Overlappingar, flekker, fargar som er lagt over kvarandre og hennar raske, faste strek gjev eit skjørt og forgjengeleg inntrykk.
Sjølv seier ho:
”Når eg maler komponerar eg historier. Strøka på lerretet er spor etter leiting. Nokre gonger veit eg slettes ikkje kva eg leiter etter før eg finn det. For å finna må eg våga å miste kontroll, kanskje må eg gå meg heilt vill.”
”Mine historier kjem frå ein barndom på Vestlandet, og frå reiser som førte meg andre stader. Nokre historier blir til ved å kjenne att spor som er skapt medan vi er på veg til å finna vår eigen ’persona’ (maske). Historiene handlar om ein lengt etter å finna vegen heim.”
Heimeside:
www.post-illustration.co.uk
Alle bileta som blir vist fram er også til sals.
Vel møtt til ei nydeleg utstilling!

Fjellet

Eikefjord

HALLEN

Kopirett © 2021 Eikefjord.net. Alle rettigheter reservert. Ved bruk av artikler, bilder etc. skal det refereres til Eikefjord.net med lenke.

Utviklet av Inovalight.eu