Det var Koriander som i si tid starta med pubquiz. Grunnen var at bygda stod utan eit pubtilbod. Når Nærleiken vart etablert, gav koret dette arrangementet vidare til dei. No er Nærleiken diverre under avvikling og bygda vil, etter alt å døme, stå utan pubtilbod igjen. Difor har Koriander sett av fem pubquizar dette året. Det er framleis Mona Standal som er quizvertinne.
Første moglegheit er førstkomande laurdag kl. 2100 på Allhuset.
Dørene opnar 20.30.
Koriander ynskjer hjarteleg velkomen til å trimme dei små grå saman med gode vener!
