Den 14. januar 2006 kjem den kjende trubaduren og visesongaren Olav Stedje til Eikefjord.
Det er Koriander som har fått Stedje til bygda denne laurdagen, og koristane ser fram til å synge saman med kjendisen.
Olav Stedje feirar snart 25-års jubileum som plateartist, og har ei rad eviggrøne viser og slagerar bak seg. Denne gongen gjer han noko han ikkje har gjort før, å synge saman med eit blandakor.
Til denne konserten er også Brigt Samdal tilbake som dirigent etter eitt år i utlegd. Både han og kona Gro er store fan av den folkekjære artisten. For at flest mogeleg skal få oppleve konserten, har Koriander valt å nytte kyrja. Kyrkjerommet er i tillegg svært eigna når det gjeld akustikk så dett blir konserten du må få med deg som ein god start på det nye året. Stedje vil i tillegg til fellesarrangementa saman med Koriander, plukke frå det rike utvalet sitt av eldre og nyare melodiar. Vi gler oss!