Yngve Grøneng Havn fekk denne helga tildelt idrettsstipend frå Sogn og Fjordane Idrettskrets. Yngve er den første frå Eikefjord som har fått tildelt eit slikt stipend på kr 10.000.-. Han har oppnådd sterke resultat både i norsk og internasjonal samanheng, med ei rekke topp-plasseringar i ungdoms-NM, Junior-NM, juniorlandskamp og Verdsungdomsspelen 2006. Yngve er resultat av det arbeidet som er lagt ned i friidrettsgruppa gjennom mange år, der fysisk fostring med vekt på styrke, spenst, hurtighet og teknikk har gitt resultat. Det er heller ikkje å komme forbi at Yngve har ekstremt godt talent for kastøvingar.
