Rektor ved Eikefjord skule Heidi Aasen, har fått ansvaret for også å styre Steinhovden skule og barnehage. Kommunalsjef Guri Langaas i Flora kommune understrekar at rektor Aasen har ein bakgrunn som gjer henne spesielt kvalifisert til å styre både skulen og barnehagen i Steinhovden, med utdanning både som forskulelærar og som grunnskulelærar. I tillegg har ho arbeidd i fleire år ved utkantskular.
