Komiteen har jobba godt og er i mål med det meste av planlegging, her er litt informasjon om 17.mai 2013 ved leiar Leni Endestad.
Sol er bestilt!
Eit spørsmål det har vore diskusjon omkring er om vi treng borgartog her i Eikefjorden. Meiningane er sjølvsagt delte. Men vi har komme fram til at, det ikkje er opp til oss, å evt. avskaffe borgartoget. Oppfordringa er derfor krystallklar:
ALLE LAG OG ORGANISASJONAR MÅ FINNE FRAM FANENE OG STILLE «MANNSTERKE» I BORGARTOGET!!!
I år har vi gjort nokre endringar i programmet.
11:30 opnar kafeen i gymsalen og kiosken ute.
Leikane for barn startar kl.12:00 og varer til 14:00. Kjekke premiar og utdeling av litt større premie til barn/unge i forkant av vaksen/ungdomspremiane.
Vaksenleikane startar kl.12:30 og varer til 14:30. Premiar delt inn i dame/herre og 1.2. og 3.premie. Ungdommar 8.klasse tom 17 år kan delta på vaksenleikane for halv pris og her blir det premie delt inn i jente/gut og 1. og 2.premie. Veldig flotte premiar!
Tale for dagen vert v/ordførar Bengt Solheim-Olsen. Tidlegare har tala vore kl.15:30
I år blir tala kl.14:45
Premieutdeling blir før borgartoget.
Utstyret som vert nytta til 17.mai er utslitt/forsvunne. Vi har fått sponsa voksduk til kakebord/salgsbord. Har behov for lysestakar og brikker til borda i gymsalen.
På sjølve dagen vil vi derfor setje fram ei skål der bygdefolket frivillig kan bidra til dette. Om det er ynskje om å gje eit bidrag på ein annan måte, er det berre til å ta kontakt med noken i komitèen så ordnar det seg.
Programmet for dagen blir lagt ut her på eikefjord.net så snart det er klart. Programmet kjem i Firdaposten. Det vil òg verte hengt opp på butikken, frisørane, In-Spire, oppslagstavla, Omsorgstunet og delt ut 17.mai om morningen.
Så håpar vi at det blir ei strålande nasjonaldagsfeiring i den vakre bygda vår!
PS! Sidan skulen er og bør vere eit røykfritt område oppmodar 17.maikomitèen folk om å gå ned til parkeringsplassen og røykje. Det blir satt opp askebeger
