Med Fylkesmannen, Vegvesenet og bygdefolket til stades, vart det sagt at planen berre skulle ta seks månader å lage. No har det gått snart to år, og enno kan det ta litt tid før bystyret kan gje si endelege velsigning.
No krev Eikefjord at noko skjer. Dette held i det heile ikkje, kommenterer Anders Ola Sunnarvik, leiar for Eikefjord grendelag til Firdaposten.
Vi må berre erkjenne at dette har vi ikkje fått til. Eg tek det på mi kappe. Vi har mangla nok ressursar på planlegging til å halde tidsplanen. Vi innser og at dette vil vi nok aldri prøve å gjere ein gong til. Dette er plansjef Rolf Bjarne Sund i Flora kommune si enkle forklaring og enkle lærdom, når han no legg seg heilt flat for kritikken frå bygdesamfunnet.
