I formannskapetmøte i Flora mandag, står Eikefjord skule nok ein gong på sakslista. Formannskapet skal godkjenne ein ny anbodskonkurranse med såkalla "Design and build"-anbodskonkurranse med totalentreprise for Eikefjord Barne og ungdsomsskkule. Den nye skulen skal dekkje heile aldersspekteret frå første- til tiandeklasse.
Det nye prosjektet skal ikkje overskride ei kostnadsramme på 100 millionar kroner, moms inkludert. I denne summen ligg skule pluss anten fleirbrukshall eller ein gymsal og tilrettelegging og arbeid med den kommunale tomta.
Skal byggjast på skuletomta
- I det nye anbodet tek ein utgangspunkt i eksisterande skuleareal og området rundt. Det kan til dømes bety at ein byggjer ny skule på skuleplass-areala i dag, for så å rive det gamle skulebygget etterpå, seier varaordførar Jan Henrik Nygård (V) til Firdaposten.