Kunst for nesten ein kvart million skal seljast og auksjonerast bort under Eikefjorddagane på søndag. Det er Sparebanken Sogn og Fjordane som vil omsette noko av den kunsten som er stua burt i hvelvet. Her er kunstverk av mellom andre Bjørn Hegranes, Bjarne Svanøe, Åge Steinset, Håkon Gullvåg, Kjartan Godø og mange fleire.
– Vi har beslutta at inntektene frå kunsten skal gå til å opprette eit fond, øyremerkt lokale kultur- og idrettsføremål, seier bankdirektør Ole Aukland til Firdaposten.
