Statens vegvesen har lyst ut anbod på rassikring ved Makrellvågen, der det er svært rasfarleg. Kontraktsarbeidet inneber rensking av fjellsida, sikring med bolt og nett, i tillegg til oppsetting av rasfanggjerde. Det skal sikrast mot både stein- og isras.
Entreprenørane har frist til 1. mars til å levere inn tilboda sine. Deretter blir anboda evaluert og kontrollrekna. Vi tek sikte på oppstart i løpet av mai. Byggeperioden er venta å vare i to til to og ein halv månad, og vi gjer vårt for at dette arbeidet skal bli ferdig før sommarferien, seier Statens vegvesen sin byggeleiar for prosjektet, Tone Anette Espe til Firdaposten.
– Vi ventar at rassikringsarbeidet vil by på utfordringar for trafikken forbi staden, og ber om at trafikantane er tolmodige med oss – for arbeidet vil gjere det tryggare å køyre forbi staden, strekar Espe under.
