Framdrift miljøstranda og strandpromenaden

Fredag 10/02-2007. Bølgene har arbeidt med sanden som vart tilkjørt. Det er ikkje enkelt å lage ein slik mur ute i sjøen og forvente at sanden blir liggande på plass. Her må enten muren tettast med duk, eller så må det fyllast på med sand utanfor muren også slik at  berre toppen av steinane blir synleg.

Onsdag 20/12-2006. Det er overleveringsmøte for det nye servicehuset på miljøstranda. Dette er på dagen den dato som er sett opp i kontrakten.

Fredag 20/10-2006. Firma Jon Strømsnes AS som har bygginga av Servicehuset på Miljøstranda har god framdrift i arbeidet. Utvendig er takhellene begynt å komme på plass og veggane er stort sett ferdige med beisa kledning. Innvendig er alt gjordt klar for støyping både i garderobedelen og lagerdelen.

Søndag 24/9-2006. Reisverket på Servicehuset komt opp. Huset er beregna ferdig før jul og har to garderober med toalett, handicaptoalett, lagerrom for miljøstranda og eit stort lager til Arvid Sørbø.

Lørdag 19/8-2006. Volleyball turnering på miljøstranda. Heimesjukepleien vekte mest oppsikt med fantasifull utkledning og like god heiagjeng.
Fotballgutta vant turneringa etter hard finalekamp mot volleyball damene.

Fredag 18/8-2006. Arvid Sørbø og fornyingsminister Heidi Grande Røys legg ned grunnsteinen på det nye servicehuset som skal byggast.
Arvid har ofra to hus, deriblandt eldste posthuset i Eikefjord, for å gi plass til Servicebygget. Han får igjen lagerlokale i servicebygget.

Lørdag 5/8-2006. Badestranda vart flittig brukt heile sommaren. Det var mest ikkje ein dag utan at det var folk å bada. Ungdommen heldt seg mykje ute ved Sørbøbryggja på stupebretta, medan dei yngre heldt seg i fjæra.
Mykje folk frå Florø tok turen innover for å gå på ei skikkeleg strand.

Tirsdag 13/7-2006. Dei eldre ungdommane ville også være med på dugnad. Kenneth Endestad organiserte støypedugnad for volleyballnettet.

Mandag 10/7-2006. Det tok ikkje lang tid før det støpte området vart tatt ibruk. Ein naturleg samlingsplass for både unge og gamle i finveiret.

Mandag 3/7-2006. Det er klart for grovstøyping av pirane. Dugnadsgjengane har lagt stålmatter og forskala slik at grovstøypen under hellene kan leggast. Støypen er berre grovplanert for godt feste for støypen som hellene skal leggast i.
Det vart nok støyp til også å legge i bakken ved båtslippen.

Fredag 23/6-2006. Jonsok feiring med bål på stranda. Kvelden begynte med rømmegraut og anna godt på Allhuset. Njål Hamn kjørte jonsok brudeparet på tur med hest og kjerre før alle fllytta seg bort på stranda for bålbrenning og grilling.

Lørdag 17/6-2006. No er det klart for luftige stup. Dugnadsgjengen har montert stupebrett så no er det berre å kaste seg i det endå kalde vatnet. Det er vidare sett opp kant rundt heile den nederste piren ved Sørbønaustet.

Det er også kommen sand på stranda og graset er grønt opp mot vegen. No er det innbydande til å slikke sol og nyte livet på Sørbøen.