Kostnadskalkylane for 
Eikefjord skule har auka frå 99 millionar kroner i november i fjor, til 115 millionar i juni i år. Dei nye tala kom fram då prosjektkomiteen i Flora kommune tysdag drøfta fornying av Eikefjord skule.
– At prisen er komen opp i 115 millionar kroner er uakseptabelt. Det er trass alt snakk om ei kalkyle, og anboda kan bli langt høgare. Vi må derfor sjå på andre løysingar, og vurdere kvalitet og storleik på prosjektet, seier komitemedlem Hallgeir Helland frå Høgre til Firda.
17 meter til fast grunn
– Det er òg eit uavklåra spørsmål om grunntilhøva er tilfredsstillande. Ting kan tyde på at det er 17 meter ned til fast grunn, og mykje tyder på at grunnen er leire. Det kan vere risikabelt, seier Helland.
