Skigruppa arrangerte sin årlege skifest søndag 17/11. For ein liten inngangsbilett kan du her nyte kaffi, kaker og ein hyggeleg prat med naboer.
Mykje av arrangementet går med til å dele ut premier for skisesongen på nyåret i år. Aller viktigast er det for foreldra å forevige sine håpefulle med premier og pokaler.
På grunn av snøforholda vart det berre arrangert 4 renn, men det la ingen demper på premiane som vart delt ut. Det er mange som skal ha utmerkelser for god innsats. Solveig Svardal vart hedra for å ligge heilt i landseliten i sin klasse både på ski og i motbakkeløp.
Også dugnadsgjengen fekk påskjønning for sitt utrettelege arbeid med å legge forholda på Humlestøl tilrette så ein kan arrangere skiløp der.
Nokre av dugnadsgjengen.
Stig Solheim, Arne Humlestøl og Normund Svoen fekk utdelt den høgthengande skistatuetten. Her krevs 25 år aktivitet i skiløypa.
