Fram til 19.november skal cirka 3,5 kilometer med nytt autovern på plass på strekninga mellom Eikefjord og Naustdalstunellen, ifølge entreprenøren som skal gjere jobben, Arvid Gjerde AS.
Arbeidet er venta å vere måndagar i tidsrommet frå 13.00-22.00, tysdagar og onsdagar frå 07.00-21.00 og torsdagar frå 07.00-16.00.
I desse tidsromma vil det difor vere manuell dirigering på delane av strekninga der arbeidet held på.
Dei gamle med trestolpe er ikkje lenger godkjende. Nytt autovern får no stolpar i stål, og i tillegg skal endane gjerast sikrare for å unngå at bilar kan bli kasta over autovernet ved ei eventuell ulykke.