Klipp frå Bondeguten, mai 1962

Dagsnytt
Styret i Eikefjord ungdomslag heldt møte under Stridshammaren sist fredag den 18. mai. Det drøfta om ein skulle melde seg inn i Fellesmarkedet. Men etter som det går fram av Romatraktaten så er det fåre for at Italienarane kan kome til å gjere seg gjeldande på ekteskapsmarkedet her i Eikefjord. Då her er så mange ungkarar innan ungdomslaget som ikkje er ” tevleføre” med utanlands ungdom, ser styret med uvilje på at desse kjem her til og tek gjentene frå oss. Så styret var imot tinging om fullt medlemskap. Då det ser det slik at vi må gje i frå oss vår ”suverenitet”. Ein vil heller koma fram til ei eller anna form for assosiering. Det vert folkeavrøysting i laget så medlemmane kan seie si meining om saka. I tilfelle medlemskap må paragraf 93 i grunnlova til ungdomslaget forandrast.