Der alle er vinnarar (2006)

Årets Eikefjordkarusell har vore ein suksess. Vergudane har sett på oss med blide auge, og deltakartalet har vore jamnt stigande.

Uttrykket "Øving gjer meister" stemmer godt med det vi har sett av dei unge idrettsutøvarane, resultata har jamnt over vorte betre og betre.

Det ligg mykje god oppdraging i det å sjå at når eg prøvar ein gong til, så får eg det betre til også. Vi prøver å fokusere på at det viktige er ikkje å vere betre enn dei andre, men å prøve å vere betre enn eg sjølv var sist.

Det er nesten synd at det snart er sommarferie, og at Eikefjordkarusellen dermed er over for i år. Men med den tilstellinga vi avslutta med denne tysdagen, trur vi det vert lett å samle mange små og store til nye rundar neste vår.

50 aktive i alder frå 2 år og opp til "over 29", stilte opp denne gongen. I tillegg var det gledeleg mange som var med sine håpefulle.

Og etterpå var det grillfest og premieutdeling til dei som hadde delteke i tre av rundane. Veldig kjekt var det. Og ein kan seie kva ein vil om pølser, men etter ein time eller to med utandørs aktivitet, så smakar dei nydeleg.

Startfeltet på 300 meter

Nesten alle deltakarane med medalje og T-skjorte