40 deltakarar frå rundt eit dusin ulike land frå heile verda, stilte på startstreken då det tredje løpet i løpskarusellen for Sunnfjord gjekk av stabelen i Eikefjord sundag 15. oktober. Dei internasjonale innslaga stod Kip Sumner og elevane hans frå UWC i Fjaler for.
Løypene var som vanleg 3 og 6,5 km dels på bane, og dels bakke opp og bakke ned på asfalt og grusveg.
I 3 km løypa var det Anita Stenevik frå Florø som gjorde det aller best med den ypperlege tida 12.05. Her må ein også nemne spesielt tvillingbrørne Terje Kristoffer og Lars Andreas Trengereid på 12 år, som kom likt i mål på så god tid som 13.53.
I den lange løypa som går frå stadion, gjennom Eikefjord sentrum til Sørgardsfeltet og attende til stadion i Kvalvikdalen, fekk vi ein aldri så liten sensasjon. Når Helge Hafsås stiller til start har vi vore vane med at han er den som kjem først til mål, slik gjekk det ikkje i dag. For då glopparen Eigil Instebø spurta inn til tida 21.24, vann han med over eit halvt minutt - sterkt gjort.
Etterpå var det ikkje premieutdeling .. den kjem først etter siste runde i løpskarusellen. Neste løp går i Førde 28.oktober, så følgjer Naustdal 12. november, før avslutninga i Florø 18. november.
Men i Eikefjord avslutta vi med å servere rykande varme nysteikte sveler og saft og pærer, for vi tykte det var kjekt å ha godt folk på besøk.
RESULTATLISTE LØPSKARUSELLEN SUNNFJORD
| Eikefjord | 15.10.06 | ||
| 6.5 km | |||
| Menn junior | Erik Fendik | UWC | 25.23 |
| Dick Muyambi | UWC | 27.37 | |
| Menn senior | Eigil Instebø | Gloppen | 21.24 |
| Ivar Andre Slinde | Gloppen | 25.23 | |
| M 40 - 44 | Helge Hafsås | Olden | 21.59 |
| Odd Rognebakke | Tambarskjelvar | 24.04 | |
| M 50 - 54 | Egil Gulholm | Tambarskjelvar | 25.49 |
| Kjartan Kvellestad | Florø | 31.07 | |
| M 55 - 59 | Kip Sumner | UWC | 29.11 |
| Olav Lyslo | Gloppen | 34.38 | |
| Mosjon m/tid | Fortunato de Sousa | UWC | 28.44 |
| Disa Hynsjø | UWC | 33.00 | |
| Shasanka Pradhan | UWC | 33.51 | |
| Akmal Daniyarov | UWC | 35.04 | |
| 3 km | |||
| K 35 - 39 | Anita Stenevik | Florø | 12.05 |
| K 50 - 54 | Herdis Lexau | Florø | 14.33 |
| K 55 - 59 | Magnhild Myklebust | Florø | 14.07 |
| Solveig Svardal | Eikefjord | 14.13 | |
| M 12 - 16 | Terje Kristoffer Trengereid | Florø | 13.53 |
| Lars Andreas Trengereid | Florø | 13.53 | |
| M60 - 64 | Terje Trengereid | Florø | 14.42 |
| M 65 - 69 | Harald Klakegg | Førde | 15.44 |
| M 75 - 79 | Kåre Ness | Askvoll | 17.43 |
| Mosjon m/tid | Jonathan Kola | UWC | 13.01 |
| William Montoya | UWC | 13.04 | |
| Yilikal Ayino | UWC | 14.49 | |
| Gustav Gordon | UWC | 15.09 | |
| José Merlo | UWC | 16.15 | |
| Hanna Zimnitskaya | UWC | 16.15 | |
| Raine Trott | UWC | 16.44 | |
| Ingunn Bergheim | Eikefjord | 17.04 | |
| Eli Smedsrud | UWC | 17.40 | |
| Qun Chao Zhan | UWC | 19.02 | |
| Hailey Barker | UWC | 19.31 | |
| Elisabeth Berggrav | UWC | 20.38 | |
| Si Jie Loo | UWC | 21.29 | |
| Li Yuan Wang | UWC | 21.34 | |
| Mosjon u/tid | Nils Fløholm | Florø | fullført |
| Ragnhild Høyset | Eikefjord | fullført | |
| Reidar Høyset | Eikefjord | fullført | |
